កម្មវិធីស្វាគមន៍គរុនិស្សិតគ្រូបង្រៀនផ្អែកលើកិច្ចព្រមព្រៀងការងារកម្រិតបឋម និងអនុវិទ្យាល័យ

នាព្រឹកថ្ងៃព្រហស្បតិ៍៣កើត ខែកត្តិកឆ្នាំមមីអដ្ឋស័ក ព.ស ២៥៧០ ត្រូវនឹងថ្ងៃទី១២ ខែវិច្ឆិកាឆ្នាំ២០២៦ វិទ្យាស្ថានគរុកោសល្យបាត់ដំបងបានរៀបចំកម្មវិធីទទួលស្វាគមន៍គរុនិស្សិតគ្រូបង្រៀនផ្អែកលើកិច្ចព្រមព្រៀងការងារ កម្រិតបឋមសិក្សា និងអនុវិទ្យាល័យ សរុបចំនួន ៧៥៦នាក់ នៅបរិវេណគោរពទង់ជាតិ ក្នុងគោលបំណងស្វាគមន៍និងអបអរសារទរការចូលមកសិក្សានៅវិទ្យាស្ថាន។ កម្មវិធីនេះត្រូវបានរៀបចំឡើងក្រោយពីការគោរពទង់ជាតិនៃព្រះរាជាណាចក្រកម្ពុជារួចមក ហើយមានចំណាប់អារម្មស្វាគមន៍ពីតំណាងគណៈគ្រប់គ្រងវគ្គគរុនិស្សិត១២+៤ តំណាងប្រតិភូគរុនិស្សិតគ្រូបង្រៀនផ្អែកលើកិច្ចព្រមព្រៀងការងារកម្រិតបឋម និងអនុវិទ្យាល័យ ព្រមទាំងប្រសាសន៍សំណេះសំណាលស្វាគមន៍ពីតំណាងគណៈគ្រប់គ្រងវិទ្យាស្ថាន។ កម្មវិធីនេះបានបញ្ចប់ដោយការរាំលេងកម្សាន្ត អបអរចំពោះការប្រឡងជាប់ ចូលមកសិក្សាក្នុងវគ្គតម្រង់ទិសរយៈពេល២សប្ដាហ៍ និងសិក្សាពេញមួយឆ្នាំសិក្សារបស់គរុនិស្សិតគ្រូបង្រៀនផ្អែកលើកិច្ចព្រមព្រៀងការងារកម្រិតបឋម និងអនុវិទ្យាល័យ មុននឹងចេញទៅបង្រៀននៅតាមបុស្តិ៍គោលដៅរៀងៗខ្លួន។

១២ វិច្ឆិកា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia