កញ្ចប់អប់រំការប្រែប្រួលអាកាសធាតុ៖ បេសកម្មបណ្តុះ «គ្រូបង្រៀនបៃតង» Read More

ការប្រែប្រួលអាកាសធាតុ មិនមែនគ្រាន់តែជាមេរៀនក្នុងសៀវភៅទៀតនោះទេ! ក្នុងនាមជាគ្រឹះស្ថានអប់រំគ្រូបង្រៀនឈានមុខ វិទ្យាស្ថានគរុកោសល្យបាត់ដំបង (BTEC) មានមោទនភាពក្នុងការចូលរួមអនុវត្ដគម្រោង «គំនិតផ្តួចផ្តើមប្រព័ន្ធអប់រំអាកាសធាតុឆ្លាតវៃ (CSESI) » ក្រោមកិច្ចសហការរវាងក្រសួងអប់រំ យុវជន និងកីឡា ជាមួយអង្គការ UNESCO និងការគាំទ្រពី GPE។
តាមរយៈការបំពាក់បំប៉ន «កញ្ចប់អប់រំការប្រែប្រួលអាកាសធាតុ» គរុនិស្សិតរបស់យើងនឹងនាំយកវិធីសាស្ត្រថ្មីៗទៅកាន់ថ្នាក់រៀន ដោយ៖
- រៀនតាមរយៈការអនុវត្ត៖ ផ្សារភ្ជាប់មេរៀនទៅនឹងជីវភាពរស់នៅ ដូចជាការច្នៃប្រឌិតប្រព័ន្ធចម្រោះទឹក ការគ្រប់គ្រងកាកសំណល់ ។ល។
- ការបញ្ជ្រាបទៅក្នុងគ្រប់មុខវិជ្ជា៖ បញ្ចូលប្រធានបទអាកាសធាតុទៅក្នុងគ្រប់មុខវិជ្ជា ដើម្បីពង្រឹងការគិតស៊ីជម្រៅរបស់សិស្ស។
- បង្កើតទូតសុច្ឆន្ទៈអាកាសធាតុ៖ ជួយឱ្យយុវជនក្លាយជាអ្នកដឹកនាំ និងនាំយកដំណោះស្រាយបៃតងទៅកាន់សហគមន៍។
«អប់រំបង្រៀននៅថ្ងៃនេះ គឺដើម្បីកសាងជំនាន់យុវជនដែលយល់ដឹង និងរួមគ្នាការពារភពផែនដីនៅថ្ងៃស្អែក»
វិទ្យាស្ថានគរុកោសល្យបាត់ដំបង ប្តេជ្ញាចិត្តខ្ពស់ក្នុងការអប់រំគរុនិស្សិតប្រកបដោយសមត្ថភាព និងមនសិការបរិស្ថាន ដើម្បីរួមគ្នាកសាងសាលារៀនបៃតង និងកម្ពុជាដែលមានភាពធន់!
Read More

០២ កក្កដា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia