ជំនួបពិភាក្សាការងាររវាង ដេប៉ាតឺម៉ង់វិទ្យាសាស្រ្ត នៃមហាវិទ្យាល័យអប់រំវិទ្យាសាស្រ្ត និងលោកបណ្ឌិត Loïc Tudesque អ្នកស្រាវជ្រាវជាន់ខ្ពស់ នៃសាកលវិទ្យាល័យទូលូ ប្រទេសបារាំង (CRBE – University of Toulouse, France)

នារសៀលថ្ងៃព្រហស្បតិ៍ ទី២០ ខែវិច្ឆិកា ឆ្នាំ២០២៥ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានដឹកនាំដេប៉ាតឺម៉ង់វិទ្យាសាស្រ្ត នៃមហាវិទ្យាល័យអប់រំវិទ្យាសាស្រ្ត ជួបពិភាក្សាការងារជាមួយលោកបណ្ឌិត Loïc Tudesque អ្នកស្រាវជ្រាវជាន់ខ្ពស់ នៃមន្ទីរពិសោធន៍ជីវចម្រុះ និងបរិស្ថាន (CRBE: Research Center for Biodiversity and Environment) របស់សាកលវិទ្យាល័យទូលូ ប្រទេសបារាំង (University of Toulouse, France)។ កិច្ចពិភាក្សានេះមានការចូលរួមពីលោកបណ្ឌិត ជ្រា សុជាតិ អ្នកស្រាវជ្រាវនៃសាកលវិទ្យាល័យជាតិបាត់ដំបង និងគណៈគ្រប់គ្រង លោកគ្រូ-អ្នកគ្រូឧទ្ទេស នៃដេប៉ាតឺម៉ង់វិទ្យាសាស្រ្ត។
កិច្ចពិភាក្សាផ្តោតសំខាន់លើការងារស្រាវជ្រាវ ដែលមន្ទីរពិសោធន៍ CRBE និងដេប៉ាតឺម៉ង់វិទ្យាសាស្រ្តកំពុងអនុវត្ត និងវឌ្ឍនភាពនៃគម្រោងស្រាវជ្រាវនៅក្នុងអាងបឹងទន្លេសាប ដែលវិទ្យាស្ថានបានសហការជាមួយមន្ទីរពិសោធន៍ CRBE និងសាកលវិទ្យាល័យទូលូ ៣ មក។ លោកបណ្ឌិត Loïc Tudesque បានបង្ហាញពីប្រធានបទស្រាវជ្រាវ និងការងារស្រាវជ្រាវជាច្រើន ដែលផ្តោតលើការប្រើប្រាស់ស្លែបាតស្ទឹង (Benthic diatoms) ជាសូចនាករសម្រាប់វាស់វែងគុណភាពទឹក និងប្រព័ន្ធអេកូឡូស៊ី។
ឯកឧត្តមបណ្ឌិត នាយកវិទ្យាស្ថាន បានថ្លែងអំណរគុណដល់លោកបណ្ឌិត Loïc Tudesque ដែលបានចែករំលែកព័ត៌មានអំពីមន្ទីរពិសោធន៍ CRBE និងការងារស្រាវជ្រាវនៅក្នុងប្រទេសកម្ពុជា ដែលជាមូលដ្ឋានសម្រាប់រៀបចំកិច្ចសហប្រតិបត្តិការនាពេលអនាគតរវាងមន្ទីរពិសោធន៍ CRBE និងវិទ្យាស្ថានគរុកោសល្យបាត់ដំបង ជាពិសេសសម្រាប់មហាវិទ្យាល័យអប់រំវិទ្យាសាស្រ្ត។

បាត់ដំបង | ២០ វិច្ឆិកា ២០២៥

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia