កិច្ចប្រជុំពិភាក្សាការងារជាមួយគម្រោង ASEAN-UK SAGE Pilot Projects

នៅព្រឹកថ្ងៃពុធ ១២រោច ខែមិគសិរ ឆ្នាំម្សាញ់ សប្ដស័ក ព.ស ២៥៦៩ ត្រូវនឹងថ្ងៃទី១៧ ខែធ្នូ ឆ្នាំ២០២៥ វិទ្យាស្ថានគរុកោសល្យបាត់ដំបងបានរៀបចំកម្មវិធីប្រជុំមួយ ជាមួយក្រុមការងារគម្រោង ASEAN-UK SAGE Pilot Projects ក្រោមអធិបតីភាព លោក ហ៊ត ស៊ីនួន នាយករងវិទ្យាស្ថានគរុកោសល្យបាត់ដំបង តំណាងដ៏ខ្ពង់ខ្ពស់ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង រួមជាមួយលោក លោកស្រី ព្រឹទ្ធបុរស និងគណៈគ្រប់គ្រងដេប៉ាតឺម៉ង់ភាសា។ កិច្ចប្រជុំនេះបានពិភាក្សាគ្នាពាក់ព័ន្ធនឹងកិច្ចសហការគ្នារវាងគ្រូឧទ្ទេសវិទ្យាស្ថាន ជាមួយគម្រោង លើប្រធានបទពីរគឺ (១) ការងារជួយគាំទ្រដល់ការបណ្ដុះបណ្ដាលបន្ថែមដល់លោកគ្រូ អ្នកគ្រូតាមសាលាបឋមសិក្សា គ្រូឧទ្ទេស និងគរុនិស្សិតសាលាគរុកោសល្យ បន្ទាប់ពីការសិក្សាឃើញនូវលទ្ធផលគួរកែលម្អបន្ថែម ដូចជា អន្តរកម្មរវាងគ្រូ-សិស្ស ការដាក់កិច្ចការផ្សេងៗ និងភាពចម្រុះគ្នានៃកម្រិតសិក្សារបស់សិស្ស តាមរយៈគម្រោងសាកល្បងទី១ ដែលក្នុងនោះមានសាលារៀនចំនួន ១២០ បានចូលរួម ក្នុងខេត្តចំនួន៨ កន្លងមកនេះ និង (២) ការចុះវាយតម្លៃ និងប្រមូលទិន្នន័យបន្ទាប់ពីបញ្ចប់ការអនុវត្តសាកល្បងគម្រោងទី២ “ការបង្រៀនឱ្យត្រូវតាមកម្រិតនិងសមត្ថភាពកុមារ (TaRL)“។

បាត់ដំបង | ១៧ ធ្នូ ២០២៥

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia