ការជួបប្រជុំពិភាក្សាការងារជាមួយនាយកប្រចាំប្រទេស និងក្រុមការងាររបស់អង្គការ STEP

នាព្រឹកថ្ងៃសុក្រ ៤រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី ៦ ខែកុម្ភៈ ឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង និងគណៈគ្រប់គ្រង បានជួបប្រជុំពិភាក្សាការងារជាមួយក្រុមការងារអង្គការ STEP ដែលជាដំណាក់កាលទី២ បន្ទាប់ពីគម្រោងការអភិវឌ្ឍសុខភាពសិក្សាសម្រាប់កុមារនៅកម្ពុជា (SHCC)។
គោលបំណងនៃការប្រជុំនេះគឺ ដើម្បីបង្ហាញពីផែនការសកម្មភាពរបស់អង្គការ STEP សម្រាប់ឆ្នាំ២០២៦ ដែលផ្តោតលើ៖ ១. ការអនុវត្តកម្មសិក្សាផ្នែកអប់រំសុខភាព និងការកែលម្អកម្មវិធីសិក្សាលម្អិត សម្រាប់កម្មវិធីអប់រំគ្រូបង្រៀននៅបឋមសិក្សា។ ២. ការកសាងសមត្ថភាពគ្រូឧទ្ទេស ការចងក្រងកម្មវិធីសិក្សាលម្អិត និងការចងក្រងសៀវភៅសិក្សាគោលមុខវិជ្ជាសុខភាពសិក្សា សម្រាប់កម្មវិធីអប់រំគ្រូបង្រៀនកម្រិតមូលដ្ឋាន។
បន្ទាប់ពីការបង្ហាញផែនការសកម្មភាពរួចមក ក៏មានការពិភាក្សាលើការរៀបចំការបណ្តុះបណ្តាល ការសិក្សាស្រាវជ្រាវមេរៀនសម្រាប់គ្រូឧទ្ទេស និងការចុះទស្សនកិច្ចសិក្សាទៅសាលាបឋមសិក្សាមួយចំនួន ដែលមានអតីតគរុនិស្សិតកំពុងបម្រើការងារផងដែរ។

បាត់ដំបង | ៦ កុម្ភៈ ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia