កិច្ចប្រជុំថ្នាក់ដឹកនាំ ដើម្បីពង្រឹងប្រសិទ្ធភាពការងារ

នាថ្ងៃសៅរ៍ ទី០៧ ខែកុម្ភៈ ឆ្នាំ២០២៦ វិទ្យាស្ថានគរុកោសល្យបាត់ដំបង បានរៀបចំកម្មវិធីចែករំលែកបទពិសោធន៍ការងារ និងបច្ចេកទេសបង្រៀន ដល់សិក្ខាកាមវគ្គសិក្សាខ្លីស្តីពីការអភិវឌ្ឍវិជ្ជាជីវៈជាប្រចាំ (CPD)។ កម្មវិធីនេះមានគោលបំណងពង្រឹងសមត្ថភាព និងផ្ទេរចំណេះដឹងជាក់ស្តែងពីគ្រូឧទ្ទេសឆ្នើម ជូនដល់សិក្ខាកាម ដើម្បីយកទៅអនុវត្តក្នុងវិស័យអប់រំឱ្យកាន់តែមានប្រសិទ្ធភាព។
កម្មវិធីនេះ មានវត្តមានវាគ្មិនដែលជាគ្រូបង្រៀនជំនាញ និងជាម្ចាស់ពានរង្វាន់ថ្នាក់ជាតិចំនួន ២រូប ដែលបានចួលរួមចែករំលែក រួមមាន៖
១. លោក ជួន ជំនាញ៖ ម្ចាស់ពានរង្វាន់សម្តេចតេជោ ហ៊ុន សែន លេខ២ គ្រូល្អទូទៅ (ផ្នែកគណិតវិទ្យាថ្នាក់ទី៦) ឆ្នាំសិក្សា ២០១៨-២០១៩។ លោកបានចែករំលែកនូវយុទ្ធសាស្ត្រគ្រប់គ្រងថ្នាក់រៀន និងការរៀបចំកិច្ចតែងការបង្រៀនបែបទំនើប ដែលឆ្លើយតបទៅនឹងស្តង់ដារគ្រូបង្រៀនល្អ។
២. លោកស្រី សុខ សោភ័ណ៖ គ្រូឧទ្ទេសជំនាញដែលធ្លាប់បានទទួលពានរង្វាន់សម្តេចតេជោ ហ៊ុន សែន លេខ១ ផ្នែកគណិតវិទ្យា (ថ្នាក់ទី១;២;៣) ក្នុងឆ្នាំសិក្សា ២០១៧-២០១៨។
តាមរយៈការចូលរួមក្នុងកម្មវិធីនេះ សិក្ខាកាមទទួលបាននូវអត្ថប្រយោជន៍ជាយុទ្ធសាស្ត្រជាច្រើន ដើម្បីបង្កើនប្រសិទ្ធភាពនៃការបង្រៀន និងរៀន ព្រមទាំងទទួលបាននូវទស្សនទាន និងបច្ចេកទេសជាក់ស្តែងដែលជា ពីគ្រូឆ្នើមជ័យលាភីសម្រាប់យកទៅអនុវត្តតាមមូលដ្ឋានរៀងៗខ្លួន ជាពិសេសគឺការរួមចំណែកកសាងមនសិការ និងគុណធម៌វិជ្ជាជីវៈក្នុងការអភិវឌ្ឍធនធានមនុស្សប្រកបដោយគុណភាព ដើម្បីជាគ្រឹះដ៏រឹងមាំសម្រាប់អនាគតកុមារកម្ពុជា។
ឯកសារ៖ បើកឯកសារ

បាត់ដំបង | ០៧ កុម្ភៈ ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia