សកម្មភាពប្រជុំរវាងវិទ្យាស្ថានគរុកោសល្យបាត់ដំបង និង SALA ស្តីពីការដាក់ឱ្យសាកល្បងប្រព័ន្ធគ្រប់គ្រងសាលាស្វ័យប្រវត្តិ

នាព្រឹកថ្ងៃចន្ទ ៣ រោច ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣១ ខែសីហា ឆ្នាំ២០២៦ វិទ្យាស្ថានគរុកោសល្យបាត់ដំបង បានរៀបចំកិច្ចប្រជុំជាមួយក្រុមការងារ SALA ស្តីពីការដាក់ឱ្យសាកល្បង និងពិនិត្យប្រព័ន្ធគ្រប់គ្រងសាលាស្វ័យប្រវត្តិ ក្រោមអធិបតីភាព លោក ឡាង បូរ៉ាត់ នាយករងវិទ្យាស្ថាន ដោយមានការចូលរួមពីប្រធាន-អនុប្រធានដេប៉ាតឺម៉ង់ និងមន្ត្រីជំនាញផ្នែក ICT។
កិច្ចប្រជុំនេះ ផ្តោតលើការណែនាំ និងសាកល្បងមុខងារសំខាន់ៗរបស់ប្រព័ន្ធ ការពិភាក្សាអំពី ផ្ទាំងគ្រប់គ្រង របាយការណ៍ និងការគ្រប់គ្រងទិន្នន័យ ព្រមទាំងការផ្លាស់ប្តូរបទពិសោធន៍ និងមតិយោបល់រវាងវិទ្យាស្ថាន និង SALA។ ក្រុមការងារ SALA បានណែនាំអំពីតួនាទី និងសិទ្ធិរបស់អ្នកប្រើប្រាស់ ព្រមទាំងមុខងារសំខាន់ៗរបស់ប្រព័ន្ធ។
លទ្ធផលទទួលបានពីកិច្ចប្រជុំ៖
១. បានសាកល្បង និងស្វែងយល់អំពីមុខងារសំខាន់ៗរបស់ប្រព័ន្ធ។
២. បានពិភាក្សាអំពី ផ្ទាំងគ្រប់គ្រង និងការរៀបចំរបាយការណ៍សម្រាប់ប្រើប្រាស់។
៤. បានពិភាក្សាអំពីបញ្ហាប្រឈម និងតម្រូវការរបស់អ្នកគ្រប់គ្រង និងគ្រូឧទ្ទេស។
៥. បានផ្លាស់ប្តូរបទពិសោធន៍ និងប្រមូលមតិយោបល់ ដើម្បីកែលម្អ និងអភិវឌ្ឍប្រព័ន្ធឱ្យកាន់តែមានប្រសិទ្ធភាព។
ជារួម កិច្ចប្រជុំនេះបានពង្រឹងការយល់ដឹងរបស់ក្រុមការងារអំពីមុខងារ និងការប្រើប្រាស់ប្រព័ន្ធ ព្រមទាំងជាមូលដ្ឋានសម្រាប់ការកែលម្អ និងអនុវត្តប្រព័ន្ធគ្រប់គ្រងសាលាស្វ័យប្រវត្តិនៅដំណាក់កាលបន្ទាប់ ឱ្យកាន់តែមានប្រសិទ្ធភាព និងឆ្លើយតបទៅនឹងតម្រូវការជាក់ស្តែងរបស់វិទ្យាស្ថាន។

៣១ សីហា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia