ការបណ្តុះបណ្តាលអំពី ការអប់រំចំណេះដឹងពីជំងឺឆ្កែឆ្គួត

នៅថ្ងៃអង្គារ ៨រោច ខែមាឃ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី១០ ខែកុម្ភៈ ឆ្នាំ២០២៦ វិទ្យាស្ថានគរុកោសល្យបាត់ដំបង បានសហការជាមួយនាយកដ្ឋានសុខភាពសិក្សា អង្គការ Worldwide Veterinary Service និងអង្គការសង្គ្រោះសត្វ បានរៀបចំកម្មវិធីបណ្តុះបណ្តាលមួយស្តីពី ការអប់រំចំណេះដឹងពីជំងឺឆ្កែឆ្គួត ដោយមានការសម្របសម្រួលនិងធ្វើបង្ហាញដោយគ្រូឧទ្ទេសមកពីនាយកដ្ឋានសុខភាពសិក្សា។ ការបណ្ដុះបណ្ដាលនេះមានការចូលរួមពីគណៈគ្រប់គ្រង គ្រូឧទ្ទេសវិទ្យាស្ថាន និងលោកគ្រូអ្នកគ្រូសាលាអនុវត្តន៍ទាំងពីរ សរុបចំនួន ៣០នាក់ និងគរុនិស្សិត ចំនួន ១៨៥នាក់។ ខ្លឹមសារនៃការបណ្តុះបណ្តាលនេះរួមមាន រោគសញ្ញានិងការវិវឌ្ឈនៃជំងឺឆ្កែឆ្កួត ការរក្សាសុវត្ថិភាព វិធីបង្ការ និងការការពារខ្លួនពីជំងឺឆ្កែឆ្គួត។ តាមរយៈការបណ្តុះបណ្តាលនេះ គ្រូឧទ្ទេស និងគរុនិស្សិតនៃវិទ្យាស្ថានគរុកោសល្យបាត់ដំបង ទទួលបាននូវចំណេះដឹងយ៉ាងមានប្រយោជន៍ ស្តីអំពីរោគសញ្ញា ការព្យាបាល វិធីលាងរបួស ការចាក់វ៉ាក់សាំង និងការបង្ការខ្លួនអំពីការរងគ្រោះនៃជំងឺឆ្កែឆ្គួត ដើម្បីយកទៅអនុវត្ត និងចែករំលែកបន្តដល់សិស្សានុសិស្សនៅតាមមូលដ្ឋានរៀងៗខ្លួន ។

បាត់ដំបង | ១០ កុម្ភៈ ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia