កម្មវិធីចុះហត្ថលេខាលើកិច្ចព្រមព្រៀងចងសម្ព័ន្ធមេត្រីភាពរវាងវិទ្យាស្ថានគរុកោសល្យបាត់ដំបង និងសាលាបឋមសិក្សា តាមន្តសែនជ័យ ខេត្តឧត្តរមានជ័យ

នៅខេត្តឧត្តរមានជ័យ នាថ្ងៃព្រហស្បតិ៍ ៩រោច ខែផល្គុន ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី១២ ខែមីនា ឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបង បានដឹកនាំក្រុមការងាររៀបចំកម្មវិធីចុះកិច្ចព្រមព្រៀងចងសម្ព័ន្ធមេត្រីភាព ជាមួយ សាលាបឋមសិក្សា តាមន្តសែនជ័យ ដែលរងការបំផ្លិតបំផ្លាញ ដោយសារការឈ្លានពានរបស់ប្រទេសថៃ។ ឯកឧត្តមបណ្ឌិតនាយក និងក្រុមការងារ បានជួបសំណេះសំណាលជាមួយ លោកនាយក និងលោកគ្រូ អ្នកគ្រូនៃសាលាបឋមសិក្សា តាមន្តសែនជ័យ អំពីស្ថានភាពសិក្សារបស់សិស្សានុសិស្ស ការបំពេញការងារ និងតម្រូវការរបស់សាលា ដើម្បីរៀបចំផែនការសកម្មភាពជួយគាំទ្រដល់ការបង្រៀន និងរៀននៅក្នុងទីតាំងបណ្តោះអាសន្ននេះ។ ឯកឧត្តមបណ្ឌិតនាយកក៏បាននាំនូវថវិកា សៀវភៅសិក្សាគោល សម្ភារៈសិក្សា និងគ្រឿងឧបភោគបរិភោគនានាជូនដល់សាលាបឋមសិក្សា តាមន្តសែនជ័យផងដែរ។
វិទ្យាស្ថានគរុកោសល្យបាត់ដំបង ប្តេជ្ញាចិត្តចូលរួមកសាងសាលារៀនកម្ពុជាឱ្យបានល្អប្រសើរ ដើម្បីឱ្យប្អូនៗសិស្សានុសិស្សក្លាយជាយុវជនដែលប្រកបដោយចំណេះដឹង សមត្ថភាព និងភាពអត់ធន់ ដែលអាចជួយលើស្ទួយប្រទេសកម្ពុជានាពេលអនាគត។

ឧត្តមានជ័យ | ១២ មីនា ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia