ការចុះជួយគាំទ្រគ្រូឧទ្ទេស និងគរុសិស្សនៃសាលាគរុកោសល្យ និងវិក្រឹតការខេត្តបន្ទាយមានជ័យ ស្តីពី "ការស្រាវជ្រាវប្រតិបត្តិ"

ថ្ងៃទី ១២ និង ១៣ ខែមីនា ឆ្នាំ ២០២៥ គណៈគ្រប់គ្រង និងគ្រូឧទ្ទេសនៃដេប៉ាតឺម៉ង់ស្រាវជ្រាវអប់រំ និងបណ្ណាល័យ ចំនួន ៣ រូប ដឹកនាំដោយ លោកស្រីបណ្ឌិត ទេព វណ្ឌី នាយិការងវិទ្យាស្ថានគរុកោសល្យបាត់ដំបង រួមជាមួយប្រតិភូតំណាងនាយកដ្ឋានកិច្ចការបណ្តុះបណ្តាល បានចុះជួយគាំទ្របច្ចេកទេសដល់គ្រូឧទ្ទេស និងគរុសិស្ស នៅសាលាគរុកោសល្យ និងវិក្រឹតការខេត្តបន្ទាយមានជ័យ។
សកម្មភាពគាំទ្រនេះមានគោលបំណង៖
• ចែករំលែកបទពិសោធន៍៖ បង្កើតវេទិកាឱ្យគ្រូឧទ្ទេសរវាងស្ថាប័នទាំងពីរបានផ្លាស់ប្តូរចំណេះដឹង និងវិធីសាស្ត្រដឹកនាំគរុសិស្ស-និស្សិត ក្នុងការធ្វើស្រាវជ្រាវប្រតិបត្តិឱ្យមានប្រសិទ្ធភាព។
• ផ្តល់ឱកាសឆ្លុះបញ្ចាំងបច្ចេកទេស៖ ឱ្យគរុសិស្សបានពិភាក្សា ស្វែងយល់បន្ថែម និងឆ្លុះបញ្ចាំងលើសេចក្តីព្រាងរបាយការណ៍ស្រាវជ្រាវរបស់ខ្លួន ដើម្បីកែលម្អចំណុចខ្វះខាត។
• បង្កើនប្រសិទ្ធភាពនៃការត្រៀមលក្ខណៈការពាររបាយការណ៍ស្រាវជ្រាវ៖ ពង្រឹងទំនុកចិត្ត និងសមត្ថភាពរបស់គរុសិស្សក្នុងការសរសេរ និងការត្រៀមខ្លួនការពាររបាយការណ៍ស្រាវជ្រាវប្រតិបត្តិ នាពេលឆាប់ៗខាងមុខ។
សកម្មភាពនេះមិនត្រឹមតែជាការគាំទ្រផ្នែកបច្ចេកទេសនៃការសរសេររបាយការណ៍ស្រាវជ្រាវប៉ុណ្ណោះទេ ប៉ុន្តែគឺជាការបណ្តុះវប្បធម៌ស្រាវជ្រាវ ដើម្បីលើកកម្ពស់គុណភាពនៃការបង្រៀន និងរៀននៅកម្រិតមូលដ្ឋានឱ្យកាន់តែប្រសើរឡើងស្របតាមបរិបទអប់រំទំនើប។

បន្ទាយមានជ័យ | ១៣ មីនា ២០២៦

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia