ការជួបស្វាគមន៍ជាមួយសាស្ត្រាចារ្យនិងក្រុមការងារមកពីសាកលវិទ្យាល័យ Fukui ប្រទេសជប៉ុន

នៅព្រឹកថ្ងៃចន្ទ ៤កើតខែស្រាពណ៍ឆ្នាំមមីអដ្ឋស័ក ព.ស២៥៧០ ត្រូវនឹងថ្ងៃទី១៧ខែសីហាឆ្នាំ២០២៦ ឯកឧត្តមបណ្ឌិត ជា រដ្ឋា នាយកវិទ្យាស្ថានគរុកោសល្យបាត់ដំបងបានជួបស្វាគមន៍លោកសាស្ត្រាចារ្យ Motoharu FUJIGAKI មកពីសាកលវិទ្យាល័យ Fukui ប្រទេសជប៉ុន។ ក្នុងជំនួបស្វាគមន៍នោះមានការចូលរួមផងដែរពីលោកនាយករងវិទ្យាស្ថានគរុកោសល្យបាត់ដំបង និងក្រុមការងារមកពីសាកលវិទ្យាល័យ Fukui ប្រទេសជប៉ុន។ វត្តមានរបស់ លោកសាស្ត្រាចារ្យ Motoharu FUJIGAKI និងក្រុមការងារ នៅវិទ្យាស្ថានគរុកោសល្យបាត់ដំបង ក្នុងគោលបំណងសំដែងការគួរសម និងពិភាក្សាពីការបណ្ដុះបណ្ដាលគរុនិស្សិតស្ដីពី «ប្រព័ន្ធ IoT ការចាប់សញ្ញា និងការតាមដានផ្នែកមាត្រាសាស្ត្រ» នៅថ្ងៃទី១៨សីហា២០២៦ខាងមុខនេះ។ ឯកឧត្តមបណ្ឌិត ជា រដ្ឋា បានថ្លែងអំណរគុណដល់លោកសាស្ត្រាចារ្យនិងក្រុមការងារដែលនឹងរៀបចំកម្មវិធីបណ្ដុះបណ្ដាលនេះឡើង ជាការផ្ដល់នូវចំណេះដឹងបន្ថែមដល់គរុនិស្សិតជាពិសេសផ្នែកព័ត៌មានវិទ្យា និងជាទុនបន្ថែមសម្រាប់ការបង្រៀនក្មេងៗនាពេលអនាគត។

១៧ សីហា ២០២៦ | បាត់ដំបង

Facebook's post below:

---

ភ្ជាប់ទំនាក់ទំនងជាមួយពួកយើង

📞 +855-92 582 772 / +855-86 858 570

📩 info@btec.edu.kh

🌐 btec.edu.kh

Telegram Channel: t.me/btecnews

Youtube Channel: https://www.youtube.com/@BTECMedia